«Жеңил автомобильлерде жолаўшыларды тасыў тараўында күтилип атырған жаңалықлар» темасындағы брифингде Ташкент қаласы Транспорт басқармасы баслығы Анвар Жўраевтың билдириўинше, жеңил автомобильлерде жолаўшыларды тасыўды толық нызамластырыў мақсетинде жөнелиссиз такси искерлиги ушын қойылатуғын талапларды әпиўайыластырыў режелестирилген, деп жазады Daryo.uz.
Усы мақсетте Министрлер Кабинетиниң тийисли қарар жойбары ислеп шығылды.
«Қарар жойбарына тийкарланып, жөнелиссиз таксилер ушын белгиленген бирдей реңниң бийкар етилиўи, ижара шәртнамаларын нотариал тастыйықлаўдың орнына мәмлекет салық комитетинен дизимнен өтиў нәзерде тутылмақта. Бул тараўдағы юридикалық шахсларды мәмлекетлик бажы төлеўинен азат етиледи», – дейди Анвар Жўраев.
Мағлыўмат ушын, бул тараў ушын жеңиллик жаратыў мақсетинде усы жылдың апрель айынан баслап юридикалық ҳәм физикалық шахслар ортасындағы ижара шәртнамаларын тастыйықлаў ушын мәмлекет бажы муғдары еки есеге кемейтилди. 1-июльден жөнелиссиз такси ушын талап етилетуғын төлеў терминаллары, есаплағыш таксометр ҳәм радиобайланыс қуралларының орнын басыўшы арнаўлы қосымша қурылмалар (смартфон, планшет)дан пайдаланыўға руқсат берилди.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
