Бүгин, 22-декабрь күни Өзбекстан Республикасы Олий Мажлиси ҳәм халық депутатлары Кеңеслерине сайлаўлар болып өтпекте.
Өзбекстан Республикасының Президенти Шавкат Мирзиёев шаңарақ ағзалары менен биргеликте Мырза Улуғбек районындағы 162-сайлаў участкасына барып, даўыс бериўге қатнасты. Бул ҳаққында Президент баспасөз хызмети хабар берди.
Мәмлекет басшысы 162-сайлаў участкасына келген адамлар менен сәўбетлести, бирге сүўретке түсти. Биринши мәрте даўыс берген жаслар, ата-аналары менен келген балалардың оқыўына табыслар тиледи.
Нураныйлар елимизге тынышлық-аманлық, Президентимизге беккем денсаўлық тилеп, дуўаға қол жайды.
Президент Шавкат Мирзиёев сырт елли бақлаўшылар, ғалаба хабар қуралларының ўәкиллери менен де сәўбетлести. Олар сайлаўлар ашық-айдын, жоқары дәрежеде өтип атырғанын, халықтың жәмийетлик-сиясий белсендилиги артып атырғанын атап өтти.
Ислам Матеков.
Сайтымыздың телеграмдағы каналына ағза болың: https://t.me/karinformuz
