Telegram karinform

Экономика

  • 09.06.2020 16:48
  • 1571

Қарақалпақстан исбилерменлик орталығы рейтингинде ТОП-5 аймақлар қатарынан орын алды

Қарақалпақстан исбилерменлик орталығы рейтингинде ТОП-5 аймақлар қатарынан орын алды
ӨзР Әдиллик министрлиги Экономикалық раўажланыў ҳәм кәмбағаллықты қысқартыў министрлиги менен биргеликте республика аймақларында исбилерменликтиң раўажланыў дәрежесине баҳа бериўге бағдарланған «Businness Indicator» автоматластырылған онлайн мәлимлеме системасын сынаў тәризинде иске түсирди. Бул ҳаққында министрликтиң мәлимлеме хызмети хабар берди.

Баҳалаўда еки тийкарғы дәрек: тийисли мәкемелердиң рәсмий статистикалық мағлыўматлары және исбилерменлер арасында өткерилген сораўнамалардың нәтийжелери тийкарында ислеп шығылды.

Атап айтқанда, системада сынаў тәризинде өткен 2019-жылдың жуўмақлары бойынша аймақлардың, атап айтқанда, ҳәр бир район ҳәм қалалардағы исбилерменлик орталығы баҳаланды.

Баҳалаў улыўма 29 көрсеткиш (индикатор) тийкарында әмелге асырылып, соннан 25 и тийисли мәкемелердиң статистикалық мағлыўматлары, қалған төртеўи 17 мыңнан аслам исбилерменлер арасында өткерилген сораўлардың нәтийжелери тийкарында есапланған.

Тийкарғы индикаторлар қурамында исбилерменлердиң улыўма аймақлық өнимдеги және Мәмлекетлик бюджетке келип түскен түсимлердеги үлеси, исбилерменлер тәрепинен халықты жумыс пенен тәмийинлеў көрсеткишлерин киргизиў мүмкин.

Исбилерменлик орталығын баҳалаў критериялары тиккелей Ҳүкиметлик қарарда көрсетилген болып, Саўда-санаат палатасы, Бизнес омбудсман, Мәмлекетлик салық комитети ҳәм басқа шөлкемлер менен келисилген ҳалда ислеп шығылған.

Усы рейтинг сынаў тәризинде, яғный демо версияда ислеп шығылған. Усы демо рейтинг дәслепки нәтийжелерине тийкарланып күшли 5 лик төмендеги аймақлардан ибарат:

1) Ташкент қаласы;
2) Наўайы ўәлаяты;
3) Бухара ўәлаяты;
4) Қарақалпақстан Республикасы;
5) Самарқанд ўәлаяты.

Ислам Матеков.

Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Түнги ўақытта пуқаралардың тынышлығын бузыў жәриймаға себеп болады

Түнги ўақытта пуқаралардың тынышлығын бузыў жәриймаға себеп болады

Уқсас жаңалықлар

Ертең Қарақалпақстанда жаўын жаўыўы күтилмекте

Ертең Қарақалпақстанда жаўын жаўыўы күтилмекте

Өзбекстан гидрометеорология хызмети агентлиги 17-апрель күни ушын ҳаўа-райы прогнозын жәриялады. Мәлим етилиўинше, ертең, 17-апрель күни Республиканың...

Қарақалпақстанда ерлер көп пе ямаса ҳаяллар?

Қарақалпақстанда ерлер көп пе ямаса ҳаяллар?

    Қарақалпақстан Республикасы статистика комитетиниң берген мағлыўматына бола, 2025-жылдың 1-апрель жағдайына Қарақалпақстан Республикасының турақлы халқының саны

Төрткүл районында жүк автомобиллери аварияға ушырады

Төрткүл районында жүк автомобиллери аварияға ушырады

      9-апрель күни саат 22:08 де Қарақалпақстан Республикасы, Төрткүл районы «Аққамыс» АПЖ аймағынан өткен А-380 магистрал