Индонезияның The Jakarta Post ҳәм Түркияның Haber 7 басылымларының хабар бериўинше, Сауд Арабиясы ҳүкимети Мекке ҳәм Мәдина қалаларында зыярат ўақтында сельфиге түсип, өзин фото ямаса видеоға түсириўди қадаған етиўге қарар еткен. Бул ҳаққында Қарақалпақстан мусылманлар қазыяты хабар берди.
Бундай қарардың қабыл етилиўине, соңғы ўақытларда Ҳаж ҳәм Умра зыяраты әмеллери орынланатуғын муқаддес орынлардың шоу майданына айланып кеткенлиги себепши болған. Сондай-ақ, өзин фото ямаса видеоға түсирип атырған адамлар ериксиз түрде өзиниң арқа тәрепинде турған басқа зыяратшыларды да фото ямаса видеоға түсиреди. Бул олардың зыярат әмеллерин орынлаўына кесент етеди.
Ислам Матеков.
