Пресс-тур даўамында райондағы «Қилчиноқ» аўыл пуқаралар жыйыны аймағында 10-санлы ҳәм «Шарқ юлдузи» аўыл пуқаралар жыйыны аймағындағы 6-санлы мектепке шекемги билимлендириў шөлкемлериниң жаңа имаратлары пайдаланыўға тапсырылды.
Район ҳәкими С.Авезов балалар бақшаларының ашылыў салтанатларында шығып сөйлеп, соңғы еки жылдың ишинде районда балаларды бақшаларға қамтып алыў дәрежеси 23% тен 45% ке жеткерилгенлиги, бул бойынша алдағы исленетуғын жумыслар ҳаққында айтып өтти.
Райондағы 10-санлы балалар бақшасы улыўма 60 тәрбияланыўшыға, ал 6-санлы мектепке шекемги билимлендириў шөлкеми болса 120 балаға арналған болып, бул жерлерде балалардың тәлим-тәрбия алыўы ушын барлық шараятлар жаратылған.
Сондай-ақ, пресс-тур даўамында райондағы «Гүлдирсин» аўыл пуқаралар жыйыны аймағында халықтың азық-аўқатлық өнимлерге болған талабын қанаатландырыў, арзан ҳәм сапалы өнимлер менен тәмийинлеў мақсетинде «Океан» супер-маркетиниң ашылыў салтанаты болып өтти.
Бостан қаласында халықтың турмыслық техникалар, мебель ҳәм басқа да үй рузыгершилик буйымларына болған талабынан келип шығып, 1 миллиард 600 миллион сумлық кредит қаржылары есабынан район орайында «Ипак йўли» саўда орайы пайдаланыўға тапсырылды.
Бул жерде мектеп ҳәм колледж питкериўшилери болған 16 жас турақлы жумыс пенен тәмийинленген.
Ислам Матеков,
Автордың түсирген фотолары.
Сайтымыздың телеграмдағы каналына ағза болың: https://t.me/karinformuz
