«Kun.uz» басылымының Қарақалпақстан жаңалықлары каналында Кегейли районындағы 35-санлы улыўма орта билим бериў мектебиниң оқыўшылары өз аймағынан 6 км узақлықта жайласқан мектепке жаяў ҳәм ешек пенен қатнап атырғаны бойынша видеоматериал жәрияланған еди.
Бул жағдай район ҳәкимлиги тәрепинен үйренип шығылды.
Район ҳәкимлиги мәлимлеме хызметиниң хабар бериўинше, Кегейли районы ХББге қараслы 35-санлы улыўма орта билим бериў мектебине Бозатаў районы «Еркиндәрья» АПЖға қараслы «Отар» аўылынан жәми 11 оқыўшы ҳәм мектепке алыс аймақлардан 6 оқыўшы билим алыў ушын қатнайды.
Бул оқыўшыларыдың машқалаларына унамлы шешим табыў мақсетинде бүгин Кегейли районы ҳәкимлиги тәрепинен мектеп оқыўшыларына жәми 17 велосипед тапсырылды.
Соның менен бирге, район ҳәкими Д.Утемуратов усы орынның өзинде аймақтағы пуқаралар менен ушырасып, олардың пикир ҳәм усынысларын тыңлады, олардың унамлы шешим табыўы ушын жуўапкерлерге тийисли тапсырмалар берди.
Ислам Матеков.
Сайтымыздың телеграмдағы каналына ағза болың: https://t.me/karinformuz
