Усы жылдың апрель айынан баслап ҳәр шемби күни «Ташкент-Москва-Ташкент» жөнелиси бойынша турақлы авиарейслер қайта енгизиледи, деп хабар бермекте «Uzbekistan Airways» баспасөз хызмети.
Усы жөнелис бойынша ушыўды баслаў ушын Россияға ушыўдан алдын 3 календарь күнинен көп болмаған ҳалда ПШР-тест (ПЦР) өткериў талап етиледи. Усы рейске Өзбекстан Республикасының барлық пуқаралары ҳәм Россияға кириўге шеклеў қойылмаған Өзбекстанда турақлы жасаў ҳуқықына ийе болған сырт ел пуқаралары киргизилиўи мүмкин.
Еслетип өтемиз, алдын өзбекстанлы студентлерге Россияға кириўге рухсат берилгени ҳаққында хабар берген едик.
Ислам Матеков.
Сайтымыздың телеграмдағы каналына ағза болың: https://t.me/karinformuz
