Усы жылдың 16-апрель күни Қарақалпақстан Республикасы ИИМ Транспортта қәўипсизликти тәмийинлеў басқармасы жынаят излеў бөлими хызметкерлери тәрепинен пуқара С.А.ның арзасына муўапық өткерилген оператив илаж нәтийжесинде пуқара А.Ш. алдын оған ҳәкимшилик жаза қолланылғанына қарамастан Нөкис қаласында жайласқан Нөкис халықаралық аэропорты алдында С.А.ға нызамға қайшы түрде 40 000 Қазақстан теңгесин 1 000 000 сумға сатқан ўақтында усланып, пуллар айғақлы дәлил сыпатында ҳүжжетлестирилген.
Бул жағдай бойынша топланған ҳүжжетлерди унамлы шешип бериў ушын Қарақалпакстан Республикасы ИИМ Транспортта қәўипсизликти тәмийинлеў басқармасы Хожели бәндиргисиндеги бөлимшеси хызметкери Б.К.ға 1 000 000 сумды пара сыпатында усыныс етип, 17-апрель күни басқарманың хызмет бөлмесинде келисилген пулды пара сыпатында берген ўақтында айғақлы дәлиллер менен усланған.
Усы жағдай бойынша пуқара А.Ш.ға Жынаят кодексиниң 177-статьясы 1-бөлими ҳәм 211-статьясы 1-бөлими менен жынаят иси қозғатылды.
Ислам Матеков.
Сайтымыздың телеграмдағы каналына ағза болың: https://t.me/karinformuz
