Ҳүрметли пуқаралар, карантин қағыйдаларына әмел етиң!
Өзбекстанда коронавирусқа қарсы ғалабалық шаншыў илажлары 2021-жыл 1-апрельден басланды. Биринши гезекте 65 жастан жоқары болған адамлар ҳәм медицина хызметкерлери шаншылыўы әмелге асырылмақта. Халқымыз арасында кеселликти жуқтырып алыўдың алдын алыў мақсетинде усы жылдың 18-апрель сәнесинен баслап карантин қағыйдалары және де күшейтилди.
Нөкис қаласы ҳәкимлиги қала турғынлары ҳәм мийманларынан бул кеселлик тарқалыўыниң алдын алыў мақсетинде төмендеги жеке гигиеналық қағыйдаларға қатаң әмел етиўин сорайды:
- нықаплар тағыў;
- адамлар көп жыйналатуғын орынларға бармаў ямаса имканияты болғанша усындай орынларға барыўды азайтыў (ғалабалық илажлар, базарлар, саўда-кеўилашар орайлар);
- грипп ямаса аязлаў белгилери болған инсанлар менен сөйлеспеў;
- жәмийетлик орынларда, транспортларда ҳәр қандай үстки бөлеклерди услағанда қолыңызды жақсылап сабын менен жақсылап жуўыў ямаса бактерияларға қарсы антисептикалық қураллардан пайдаланыў;
- аралықты сақлаў;
- қол берип көрисиў, қушақласыў ҳәм соған уқсас әдетлерге шек қойыў;
- гаджетлер ҳәм оргтехникаларды турақлы түрде дезинфекциялаў;
- тек ғана өз жеке гигиеналық қуралыңыздан пайдаланың.
Егер пуқаралар тәрепинен карантин қағыйдаларына әмел етпеў жағдайлары анықланса, онда ескертиўлерсиз нызамлы түрде шара көриледи.
Сайтымыздың телеграмдағы каналына ағза болың: https://t.me/karinformuz
