Өзбекстан Республикасы Экология ҳәм қоршаған орталықты қорғаў комитети «Қубла Үстирт» миллий тәбият бағы инспекторлары тәрепинен 2021-жылдың 24-май күни Қоңырат районы Үстирт тегислигинде өткерилген рейд илажы даўамында райондағы «Жаслық» МПЖда жасаўшы Б.Р. ҳәм Т.Р. исимли пуқаралар «Урал» маркалы 2 дана мотоцикльде аў мылтығы жәрдеминде 11 дана кийикти нызамсыз аўлап киятырған ўақтында иркилген. Бул ҳаққында ҚР Прокуратурасы хабар бермекте.
Буннан кейин пуқаралар Б.Р. ҳәм Т.Р. лар өзлерине тийисли болған «Урал» маркалы 2 дана мотоциклин жағып жиберип, инспекторларға тийисли болған 4 дана қол телефон аппаратларын тартып алып, «Қубла Үстирт» миллий тәбият бағына тийисли болған «Нива» маркалы хызмет автомашинасының 4 дана балонларын тесип, ҳәрекетлениўине тосқынлық етип, ҳәдийсе орнынан жасырынған.
Нәтийжеде ҳайўанат дүньясына 134 млн. 750 мың сум муғдарында зыян жеткерилген.
Усы жағдай бойынша Арал тәбиятты қорғаў прокуратурасы тәрепинен ӨзР Жынаят кодексиниң тийисли статьялары менен жынаятлы ис қозғатылып, Б.Р. ҳәм Т.Р.лар ЖПКның 221-статьясы тәртибинде усланды.
Ҳәзирги ўақытта дәслепки тергеў ҳәрекетлери алып барылмақта.
Сайтымыздың телеграмдағы каналына ағза болың: https://t.me/karinformuz
