Кеше, 2-июнь күни саат 13:45те Мойнақ районы «Қыпшақдәрья» каналында еки жас өспирим суўға ығып кетип, қайтыс болды. Бул ҳаққында район ҳәкимлиги мәлимлеме хызмети хабар берди.
Мойнақ районлық Айрықша жағдайлар бөлими перзентлериңизди қадағалаўсыз қалдырмаўға, белгиленбеген орынларда (каналлар, жаплар) шомылмаўға ҳәм қәўипсизлик қағыйдаларына әмел етиўге шақырады.
Еслетип өтемиз, усы жылдың 29-май күни саат 15:45 те Нөкис қаласы аймағынан ағып өтетуғын «Дослық» («Қызкеткен») каналында 2010-жылы туўылған жас өспирим Ж.Қ. ҳәм 2011-жылы туўылған жас өспирим С.Е. суўға ығып қайтыс болғаны ҳаққында хабар берген едик.
Сайтымыздың телеграмдағы каналына ағза болың: https://t.me/karinformuz
