Усы жылдың 2-июнь күни саат 14:00 шамасында Мойнақ районы Үббиниязов көшесинде жасайтуғын ағалы-инили Ж.Р. (2009-жылы туўылған) ҳәм Ж.Д. (2010-жылы туўылған) усы райондағы «Мәдели» АПЖда жасайтуғын Н.Қ.ның үйине мийманға барып, усы аўылдағы «Қыпшақдәрья» каналына шомылып атырғанында абайсызлық ақыбетинде ығып кеткен. Бул ҳаққында ҚР прокуратурасы хабар берди.
Сол ўақытта канал жанынан өтип баратырған аўыл адамлары балаларды суўдан алып шығып, районлық медициналық бирлеспесине алып барған, бирақ, қыстаўлы медициналық жәрдем көрсетилгенине қарамастан ағалы-инилилердиң екеўи де қайтыс болған.
Ҳәзирги ўақытта усы жағдай бойынша Мойнақ районлық прокуратурасы тәрепинен тергеўге шекемги тексериў жумыслары алып барылмақта.
Сайтымыздың телеграмдағы каналына ағза болың: https://t.me/karinformuz
