Усы жылдың 10-июнь күни түнги саат 22:10 ларда Нөкис қаласында жәмийетлик тәртипти сақлаўға бириктирилген патруль бағдарында хызмет алып барып атырған Миллий гвардияның әскерий хызметкерлери «Дослық» («Қызкеткен») каналына өзин таслаған қызды суўдан қутқарып алды.
Өз ўақтында биринши медициналық жәрдем көрсетилип, қалалық медициналық бирлеспесине алып барылған бул қыз дәслепки сорастырыўлар даўамында Қараөзек районында жасайтуғын 2002-жылы туўылған пуқара У.Т. екенлиги мәлим болды, деп жазбақта Миллий гвардия баспасөз хызмети.
Ҳәзирги ўақытта жағдай бойынша Нөкис қалалық ИИБ тәрепинен сорастырыў жумыслары даўам етпекте.
Еслетип өтемиз, алдын 26-апрель күни ҳәм 19-май күни Миллий гвардия хызметкерлери «Қызкеткен» каналына өзин таслаған қызларды қутқарып қалғаны ҳаққында хабар берген едик.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
