Мәмлекетлик тест орайының абитуриентлерди онлайн дизимге алыў системасы Мәмлекетлик персоналластырыў орайы менен интеграцияланған болып, абитуриентлердиң паспорт мағлыўматлары Мәмлекетлик персоналластырыў орайынан алынады.
Буның ушын абитуриент дизимнен өтиў ўақтында жеке идентификациялық номери және паспорт сериясы ҳәм номерин бағдарламаға киргизгенде, усы мағлыўматлар тийкарында Мәмлекетлик персоналластырыў орайына сораў жиберилип, абитуриенттиң фамилиясы, аты, әкесиниң аты, туўылған сәнеси, сүўрети сыяқлы мағлыўматлар Мәмлекетлик персоналластырыў орайының базасынан реал ўақытта алынады.
Мәмлекетлик тест орайының хабар бериўинше, ҳәзирги ўақытта Мәмлекетлик персоналластырыў орайы базасы ислемей турғаны себепли my.dtm.uz сайтында үзилислер жүзеге келмекте.
Мәмлекетлик персоналластырыў орайы тәрепинен усы машқаланы сапластырыў бойынша тийисли жумыслар алып барылмақта, - деп жазылған хабарда.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
