Көпшиликтиң хабары бар, ҳәзирги ўақытта жоқары оқыў орынларының бакалавриат тәлим бағдарларына оқыўға кириў ушын абитуриентлерди онлайн дизимге алыў даўам етпекте.
Дизимге алыў процеси Бирден-бир интерактив мәмлекетлик хызметлер порталы – my.gov.uz ҳәм Мәмлекетлик тест орайының my.dtm.uz сайты арқалы әмелге асырылмақта. Дизимге алыў процеси усы жылдың 22-июль күнине шекем (сол күни де) даўам етеди.
Мәмлекетлик тест орайы қабыллаў процесслери жуўмақланыўына аз ўақыт қалғаны, айырым абитуриентлер жеке мағлыўматларын киргизген болса да, елеге шекем тәлим бағдарларын сайламағаны, алдынғы жылларда питкерген абитуриентлер дизимнен өткеннен соң тест сынағы ушын төлемди әмелге асырыўы кереклиги, шет тилинен халықаралық сертификатларды тексериў белгили бир ўақытты талап етиўин есапқа алған ҳалда абитуриентлерге қабыллаўдың соңғы күнин күтпестен ертелеў дизимнен өтиўин усыныс етеди.
Мәмлекетлик тест орайы тәрепинен онлайн дизимнен өтиў бойынша бирнеше видеороликлер исленген болып, абитуриентлер усы видеороликлер арқалы дизимнен өтиўдиң барлық басқышлары ҳаққында толық мағлыўматқа ийе болыўы мүмкин.
Жоқары оқыў орынларына кириў ушын онлайн дизимнен өтиў бойынша видеоқолланба
Тест сынақлары ушын онлайн дизимнен өтиўдиң барлық басқышлары бойынша ең әҳмийетли мағлыўматлар
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
