Қарақалпақстанда жоқары оқыў орынларына кириў тест сынақлары басланды (фото)

Қарақалпақстан Республикасында жоқары оқыў орынларына кириў тест сынақлары Нөкис қаласында жайласқан «Туран» орайлық стадионы, Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектеби теннис майданы ҳәм усы спорт мектебине қараслы теннис кортында басланды. Бул ҳаққында ӨзА хабаршысы Д.Абибуллаев ҳәм фотохабаршысы М.Ҳәбийбуллаев хабар берди.

Карантин қағыйдалары тийкарында шөлкемлестирилген тест сынақларының биринши сменасында улыўма 2700 абитуриент, соннан «Туран» орайлық стадионында 1620, Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектеби теннис майданында 660, усы спорт мектеби теннис кортында 420 абитуриент қатнасты.

Тест сынақлары өткерилетуғын усы объектлерде жәмийетлик тәртипти сақлаў, пуқаралар, жол ҳәрекети ҳәм өрт қәўипсизлигин тәмийинлеў ушын Ишки ислер министрлиги, Миллий гвардия ҳәм Айрықша жағдайлар басқармасы және басқа да ҳуқық қорғаў уйымларының хызметкерлери бириктирилген.