Өзбекстан Республикасы Президенти Ш.Мирзиёевтиң 2021-жыл 25-августтағы «Өзбекстан Республикасы ғәрезсизлигиниң отыз жыллығы мүнәсибети менен мәмлекетлик хызметкерлер және өндирислик ҳәм социаллық-экономикалық тараўлардың хызметкерлеринен бир топарын сыйлықлаў ҳаққында»ғы пәрманы тийкарында төмендегилер ҳүрметли атақ, орден ҳәм медальлар менен сыйлықланды:
«Өзбекстан Республикасына хызмет көрсеткен ирригатор» ҳүрметли атағы менен
Разов Жеткербай Бектемирович – Қарақалпақстан Республикасы Суў хожалығы министрлигиниң қурылыс ҳәм реконструкция ислери бойынша механизация базасы экскаватор машинисти;
«Өзбекстан Республикасына хызмет көрсеткен транспорт хызметкери» ҳүрметли атағы менен
Уразбаев Оңалбай Теңелович – «Өзбекстан темир жоллары» акционерлик жәмийетиниң 279-жол машина станциясы машинисти;
«Эл-юрт ҳурмати» ордени менен
Қошымбетова Қутлы Абдуллаевна – Қоңырат районындағы «Қарақалпақстан» посёлкалық пуқаралар жыйыны баслығы;
«Меҳнат шуҳрати» ордени менен
Сайымбетов Пердебай Жумамуратович – Шымбай районлық жоллардан пайдаланыў унитар кәрханасы автогрейдершиси;
Сариев Қаҳраман Раматуллаевич – Қарақалпақстан Республикасы Министрлер Кеңесиниң Баслығы;
«Дўстлик» ордени менен
Абдижаббаров Турсынбай – Қарақалпақстан Республикасы Мәҳәлле ҳәм шаңарақты қоллап-қуўатлаў министриниң орынбасары;
Ибрагимов Қуўатбай Турғанбаевич – Нөкис қалалық телекоммуникациялық байланыс инженери;
Нахипов Ақбай Арипбаевич – Нөкис районындағы «Қарақалпақ қурылыс-монтаж басқармасы» жуўапкершилиги шекленген жәмийетиниң баслығы;
Халилаев Фахратдин Садуллаевич – «Тақыятас ыссылық электр станциясы» акционерлик жәмийетиниң бас директоры;
«Содиқ хизматлари учун» медалы менен
Йўлдашев Султонбой Ражапбаевич – Әмиўдәрья районы ҳәкими;
Матмуратов Батыр Джолдасович – Өзбекстан Республикасы Олий Мажлиси Сенатының Аралбойы регионын раўажландырыў мәселелери комитети баслығының орынбасары;
Реймов Хамид Жолдасбаевич – Қарақалпақстан Республикасы Суў хожалығы министрлиги жанындағы «Қуўанышжарма» ирригациялық системасы басқармасының баслығы;
Утамбетов Дүйсенбай Уснатдинович – Қарақалпақстан Республикасы Жоқарғы Кеңесиниң Аграр, суў хожалығы, тәбиятты қорғаў ҳәм экологиялық мәселелер комитетиниң баслығы;
Утамбетов Узақберген Тилеўимбетович – Қараөзек районы ҳәкими;
«Жасорат» медалы менен
Дәўлетярова Паршагүл Муратбаевна – Қарақалпақстан Республикасы майыплар жәмийетиниң баслығы;
«Шуҳрат» медалы менен
(100 жастан өткенлер)
Жақсымуратова Алтын – Кегейли районы;
«Шуҳрат» медалы менен
Айтбаев Шерзод Азадович – Төрткүл районындағы «Төрткүл топырағы» шаңарақлық кәрханасының баслығы;
Аширов Ёқуббой Хожамуратович – Әмиўдәрья районындағы «Ёқуббой Аширов» фермер хожалығының баслығы;
Бабажанов Нызамжан Атажанович – «Үстирт излеў-бураўлаў басқармасы» жуўапкершилиги шекленген жәмийетиниң бураўлаў устасы;
Гайпов Әскербай Сәрсенбаевич – «Қанлыкөл агросервис машина-трактор парки ҳәм интегралластырылған сервис орайы» жуўапкершилиги шекленген жәмийетиниң «Магнум» операторы;
Ганибаев Маъмуржон Жангабаевич – «Үстирт излеў-бураўлаў басқармасы» жуўапкершилиги шекленген жәмийети директорының геологиялық жумыслар бойынша орынбасары;
Жийемуратов Тлеўбай Теңелович – Қарақалпақстан Республикасы Экология ҳәм қоршаған орталықты қорғаў комитетиниң Мойнақ районлық инспекциясы баслығы;
Сабиров Қуралбай Пердебаевич – «Өзбекстан темир жоллары» акционерлик жәмийетиниң Қоңырат жол аралығы жол устасы;
Таджиддинов Айбек Таджимуратович – «Үстиртгаз» қазып шығарыў басқармасының «Шығыс Бердақ» участкасы устасы;
Таңирбергенов Муратбек Манибекович – Нөкис қаласындағы «Муратбек-мебель» жуўапкершилиги шекленген жәмийетиниң баслығы;
Хабибуллаев Бахытжан Сагидуллаевич – Қарақалпақстан Республикасы Министрлер Кеңеси Баслығының орынбасары – инвестициялар ҳәм сыртқы саўда министри;
Юсупов Теңизбай Көкленович – Бозатаў районындағы «Бозатаў» мәмлекетлик тоғай хожалығының шопаны.
Karinform.uz
Сайтымыздың телеграмдағы каналына ағза болың: https://t.me/karinformuz
