Жақын күнлерде Өзбекстанға 1 200 000 дозадан аслам «Pfizer/BioNTech» ҳәм 600 000 дозадан аслам «AstraZeneca» вакциналары алып келиниўи күтилмекте. Бул ҳаққында ӨзР Денсаўлықты сақлаў министрлиги хабар берди.
Ҳәзирги ўақытта Өзбекстанда 4 түрдеги: «ZF-UZ-VAC2001», «AstraZeneca», «Sputnik V» ҳәм «Moderna» вакциналарынан шаншыў процесслеринде пайдаланып келинбекте.
«Pfizer/BioNTech» вакцинасы өзбекстанлылар шаншылатуғын бесинши вакцина болады.
Мағлыўмат орнында атап өтиў керек, усы күнге шекем Өзбекстанда улыўма 15 978 140 доза вакцинадан пайдаланылған болып, толық шаншылған пуқаралар 2 710 887 адамды қурамақта.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
