Ташкент қаласындағы Мәлимлеме ҳәм ғалаба коммуникациялар агентлигинде Олий Мажлис Сенатының Аралбойы аймағын раўажландырыў мәселелери комитетиниң баслығы Борий Алихонов ҳәм Тоғай хожалығы илимий-изертлеў институтының директоры Абдушукур Ҳамзаев қатнасыўында өткерилген баспасөз конференциясында 2050-жылға шекем суў ресурслары Сырдәрья бассейнинде 5 процентке шекем, Әмиўдәрья бассейнинде 15 процентке шекем кемейиўи күтилип атырғаны ҳаққында атап өтилди.
Мәлим етилиўинше, Арал теңизи бассейнинде ҳәзирги ўақытта дерлик 2 миллион гектар майданда жерлердиң деградациясы ҳәм шөллениў процесслери бақланбақта. Быйылғы жылы тоғай пайда етиў көлеми Арал теңизиниң қурыған ултанында 458 мың гектарда әмелге асырылды.
Европа Инвестициялық банки тәрепинен Қарақалпақстан Республикасы ушын 35 миллион евро кредит ҳәм грант қаржылары ажыратылыўы бойынша сөйлесиўлер алып барылмақта. Усы жойбар шеңберинде аймақта 17,5 мың гектар деградацияға ушыраған жерлерди қайта тиклеў нәзерде тутылған.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
