Усы жылдың 27-ноябрь күни Әмиўдәрья районы «Назархан» АПЖ аймағында жайласқан «Бадай тоғай»да саат 17:30 лар шамасында өрт келип шыққаны мәлим болды, - деп рәсмий мағлыўмат берди ҚР Айрықша жағдайлар басқармасы мәлимлеме хызмети.
Рәсмий мағлыўматта жазылыўынша, жүзеге келген өрт басқарманың өрт-қутқарыўшылары ҳәм бирге ислесиўши хызметкерлери менен алып барылған жумыслар нәтийжесинде сапластырылған.
Өрттиң келип шығыў себеби ҳәм жеткерилген материаллық зыян сорастырыўлар даўамында анықланады. Өрт ақыбетинде дене жарақатын алғанлар ямаса қайтыс болғанлар жоқ, - деп қосымша етилген хабарда.
Еслетип өтемиз, алдын «Kun.uz» басылымы Қарақалпақстан хабарлары каналына тийкарланып Әмиўдәрья районындағы дәрьяға жақын аймақтағы тоғайда өрт келип шыққаны, өрт үш күннен берли жүз берип атырған болып, оны толық сапластырыўдың илажы болмай атырғаны ҳаққында хабар берген едик.
Karinform.uz.
Сайтымыздың телеграмдағы каналына ағза болың: https://t.me/karinformuz
