Республикалық Гидрометеорологиялық орайы дем алыс күнлери ушын ҳаўа райы мағлыўматын жәриялады.
Ертең, шемби күни Бухара ҳәм Наўайы ўәлаятларында күшсиз жаўын жаўыўы сақланып турады. Басқа аймақларда жаўын-шашынсыз ҳаўа райы болыўы күтилмекте. Температура төменлейди ҳәм түнде 5-10 градус жыллы, күндизги ўақытта 9-14 градус жыллы болады.
Екшемби күни салқын ҳаўа массалары Өзбекстанның барлық аймақларына тарқалады. Республика бойлап базыбир жерлерде жаўын жаўады. Қарақалпақстан Республикасы, Хорезм, Әндижан, Наманган, Ферғана ўәлаятларында жаўын-шашын күтилмейди. Ҳаўаның температурасы усы күнниң нормалық өлшемлерине салыстырғанда және төменлейди ҳәм түнде 2-7 градус жыллы, күндизги ўақытта 5-10 градус жыллы болады. Қарақалпақстан Республикасында түнде 3-8 градус суўық, күндиз 0-5 градус суўық болыўы күтиледи.
Шемби ҳәм екшемби күнлери түнде ҳәм азанғы ўақытта думан түсиўи мүмкин.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
