Республикалық Гидрометеорологиялық хызмети Өзбекстанның базы аймақларында шаңлы боранлар болыўын ескертти.
Хабар берилиўинше, 21-декабрь күни Өзбекстан аймақларына кирип келиўи күтилип атырған күшли самаллар ҳәм Түркменстан Республикасы шегара аймақларынан шаңлы боранлар кирип келиўи күтилип атырғаны себепли Қарақалпақстан Республикасы, Хорезм, Бухара, Наўайы ўәлаятларында ҳәм республиканың шөл аймақларында шаңлы боранлар болыўы бақланыўы мүмкин.
Еслетип өтемиз, 21-22-декабрь күнлери Өзбекстан аймағына Каспий теңизи арқалы Кавказ аймақларынан ығал ҳәм суўық ҳаўа ағымлары кирип келиўи күтилмекте.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
