Ҳәммемизге мәлим, Өзбекстан Республикасы Президентиниң тийисли пәрманына муўапық, 2021-жылдың 31-декабрь ҳәм 2022-жылдың 1-4-январь күнлери республикамызда барлық тараў ўәкиллери ушын дем алыс күни деп жәрияланды.
Усы мүнәсибет пенен халқымыз арасында түсинбеўшиликлер жүзеге келиўиниң алдын алыў және пенсия ҳәм напақа алыўшылардың әўерегершиликлерине жол қоймаў мақсетинде Пенсия қоры ҳәм Халық банки январь айы ушын пенсия ҳәм напақалар нақ пул көринисинде тарқатылыўы, сондай-ақ, банк карталарына жүклениўи 5-6-январь сәнесинен баслап белгиленген мүддетлерге шекем төлениўи тәмийинленетуғынлығын мәлим етти.
Еслетип өтемиз, Өзбекстан Республикасы Президентиниң 2017-жыл 2-февральдағы ПҚ-2753-санлы қарарына муўапық, пенсия ҳәм напақалар төлеми ҳәр айдың биринши банк жумыс күнинен басланып, айдың 27-сәнесине шекем күнлик график тийкарында (дем алыс күнлеринен тысқары) мәкан пуқаралар жыйынлары ҳәм пуқаралардың жасаў мәнзилине жеткерилмекте.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
