Усы жылдың 1-январь күнинен баслап өзбекстанлыларға сырт еллерге шығыў ушын биометриялық паспортты рәсмийлестириў ҳәм бериў альтернативалық түрде Мәмлекетлик хызметлер орайлары арқалы әмелге асырылмақта.
Соның менен бирге, сырт еллерге шығыў ҳәм биометриялық паспорт бериў ушын төлем муғдары базалық есаплаў муғдарының 1 есеси етип белгиленди. Мағлыўмат орнында атап өтиў керек, алдын бул төлем базалық есаплаў муғдарының 1,2 есесин қурайтуғын еди.
Ҳәзирше бул хызмет Ташкент қаласы, Самарқанд, Әндижан, Ферғана, Хорезм, Жиззақ, Қашқадәрья, Сурхандәрья, Бухара, Сырдәрья ҳәм Ташкент ўәлаятларындағы Мәмлекетлик хызметлер орайларында көрсетилмекте.
2022-жылдың ақырына шекем барлық Мәмлекетлик хызметлер орайларында усындай имканиятты басқышпа-басқыш жаратыў жобаластырылған.
Соны қосымша етип өтиў орынлы, Мәмлекетлик хызметлер орайларында хызметлер экстратерриториаллық принцип тийкарында (дизимге алынған орнына қарамастан) көрсетиледи.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
