«Uzbekistan Airways» компаниясы 2022-жыл 6-январьға жобаластырылған HY9729/9730 Нөкис-Ақтөбе-Нөкис ҳәм HY763/764 Ташкент-Алматы-Ташкент жөнелислери бойынша авиарейслериниң жетип баратуғын аэропортларының техникалық себеплерине байланыслы бийкар етилгенин мәлим етти.
Усы жөнелислер бойынша пәрўазларды әмелге асырыў күнлери ҳаққында қосымша мағлыўмат бериледи.
Жолаўшылар 6-январь күни Алматы ҳәм Ақтөбеге бийкар етилген пәрўазлар авиабилетлериниң толық баҳасын билет сатып алынған жерден қайтарып алыўы ямаса басқа сәнеге бийпул қайта бронлаў ҳуқықына ийе екенлиги ескертип өтилген.
Сайтымыздың телеграмдағы каналына ағза болың: https://t.me/karinformuz
