Көпшилик абитуриентлер ҳәм олардың ата-аналары, сондай-ақ, жоқары ҳәм профессионал билимлендириў мәкемелериниң мүрәжатларын есапқа ала отырып, Республикалық билимлендириў мәкемелерине оқыўға қабыллаў бойынша Мәмлекетлик комиссиясының тийисли қарарына муўапық, 2021-2022-оқыў жылында жоқары ҳәм профессионал билимлендириў мәкемелери студентлери және оқыўшыларының оқыўы ушын контракт муғдарын төлеўдиң соңғы мүддети 2022-жылдың 1-март күни етип белгиленди. Бул ҳаққында ЖОАБМ мәлимлеме хызмети хабар берди.
Хабарда жазылыўынша, бул мүддет төмендегилер:
- төлемли контракт тийкарында жоқары билимлендириў мәкемелерине студентликке (магистратура, бакалавр) усыныс етилгенлер;
- төлемли контракт тийкарында профессионал билимлендириў мәкемелерине (техникум, колледж) оқыўшылыққа усыныс етилгенлер;
- еселенген төлемли контракт («супер контракт») тийкарында студентликке усыныс етилгенлер;
- оқыўы көширилген (көширип тикленген) ҳәм қайта тикленген студентлер ушын әмел етеди.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
