Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаменти ҳәм Мәмлекетлик қәўипсизлик хызметиниң Қарақалпақстан Республикасы басқармалары тәрепинен Ишки ислер министрлиги менен биргеликте өткерилген оператив илажда «Автомотоҳәўескерлер» УК Нөкис филиалының үйретиўши устасы О.Б. пуқара Д.ның исенимине кирип, оған филиалда оқымаған болса да оқығанлығы ҳаққында мағлыўматнама берип, имтиханлардан өткерип қойыў арқалы транспорт басқарыў гүўалығын алып бериў ушын 2,3 миллион сумды алған ўақтында айғақлы дәлиллер менен қолға алынған.
Бул ҳаққында департаменттиң баспасөз хызмети хабар берди.
Хабарда жазылыўынша, усы жағдай бойынша Жынаят кодексиниң 168-статьясы (алдаўшылық) ҳәм 28-, 211-статьясы (пара бериў) тийкарында жынаят иси ашылып, тергеў ҳәрекетлери өткерилмекте.
Сайтымыздың телеграмдағы каналына ағза болың: https://t.me/karinformuz
