Бүгин, 11-февраль күни Президент Шавкат Мирзиёев басшылығында өткерилип атырған видеоселектор жыйналысында мәмлекет басшысы аянышлы жол-транспорт ҳәдийселерин статистикалық мағлыўматлар тийкарында сынға алды.
Жүргизилген анализлерге қарағанда, авариялардың:
- 45 проценти транспорт басқарыўшыларының қағыйдаларды менсинбеўи;
- 10 проценти транспорт басқарыўшыларының тәжирийбесизлиги;
- 25 проценти жолдың жағдайы ҳәм инфраструктурасының талапқа жуўап бермейтуғынлығы;
- 20 проценти пиядалардың қағыйдаларға әмел етпеўиниң ақыбетинде жүз бермекте.
«Жоқарыдағы машқалалардың барлығы ҳәм социаллық, ҳәм экономикалық, ҳәм қәўипсизлик мәселелерине тиккелей байланыслы. Сонлықтан, 2022-жылда барлық аймақларда «Қәўипсиз жол ҳәм қәўипсиз пияда» улыўма миллий бағдарламасын әмелге асырамыз», - деп айтып өткен Президент.
Атап өтилиўинше, 2021-жылда анықланған 7,7 миллион ҳуқықбузарлықтың 46 проценти турпайы түрде қағыйда бузыўшылық жағдайлары болып есапланады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
