Усы жылдың 28-март сәнесинде Бердақ атындағы Қарақалпақ мәмлекетлик академиялық музыкалы театрында Қарақалпақстан халық жазыўшысы, «Фидокорона хизматлари учун» ордени ийеси, Қарақалпақстан Республикасына мийнети сиңген журналист Шарап Уснатдиновтың 80 жыллық юбилей кешеси болып өтти. Кеше «Мәҳәлле» телеканалының Шарап Уснатдинов естелигине арнап түсирилген ҳүжжетли фильми менен ашып берилди. Оған Өзбекстан Жазыўшылар аўқамы баслығы орынбасары, Қарақалпақстан жазыўшылар аўқамы баслығы К.Каримов, Өзбекстан халық шайыры Усмон Азим ҳәм басқа да көплеген шайыр-жазыўшылар, мәмлекетлик искерлер, профессор-оқытыўшылар, жазыўшының туўған-туўысқанлары ҳәм нураныйлар менен бирге жаслар да қатнасты.
Журналист Қўчқор Норқобул сөзге шығып: «Бир қанаты дөретиўшилик, бир қанаты адамгершилик еди», – деп еследи.
Сөзге шыққанлар марҳум Ш.Уснатдиновтың өмири, дөретиўшилиги туўралы атап өтип, жәмийеттеги, әсиресе әдебият-мәденият майданындағы орны оғада уллы екенлигин атап өтти.
Перуўза Яқупбаева
