«Усы жылы Наўрыз байрамы мүнәсибети менен қосымша дем алыс күнлери белгиленгенлиги, 250 мийманхана ҳәм музейлер халыққа шегирме бергенлиги, зыярат обектлериниң бийпул болғанлығы ишки туризм ушын үлкен түртки берди. Нәтийжеде, Бухара ҳәм Самарқандқа қосымша 110 мың жергиликли туристлер барды. Келеси ҳәпте Рамазан ҳайыты мүнәсибети менен халқымызға және 5 күнлик дем алыс бериледи. Бул усы аймақларда ишки туризмди раўажландырыў ушын қосымша имканият береди. Енди бундай илажларди тек байрамлар қабатында емес, бәлки жыл даўамында системалы түрде әмелге асырамыз», – деди Президент Ш.Мирзиёев.
Бул мәселелер Президент басшылығындағы туризмди және де раўажландырыў, ишки туризм базарын кеңейтиў, туризм объектлерин көбейтиў ҳәм музейлердиң жумысын жетилистириў ис-илажлары бойынша видеоселектор жыйналысында атап өтилди.
Атап айтқанда, 2022 жылдан баслап барлық мәмлекетлик шөлкемлер хызметкерлери ушын жылына бир мәрте жергиликли саяхатқа шығыў қәрежетлериниң 20% бюджеттен тысқары қаржылар есабынан қаплаў әмелияты жолға қойылады.
Бийбижамал Реймбаева
