Усы жылдың 26-апрель сәнесинде «Билимлендириў мәкемелеринде жол ҳәрекети қағыйдаларын үгит-нәсиятлаўды арттырыў илажлары ҳаққында»ғы Ҳүкимет қарары қабыл етилди.
Қарарға муўапық, жол ҳәрекети қәўипсизлиги хизметиниң аймақлық басқармаларында мектеплер менен шерикликте хызмет ететуғын үлкен инспектор лаўазымы енгизилди (улыўмалық штатлар шеңберинде).
Қарарға көре, мектеплерде волонтёр жаслар қатнасыўында жол ҳәрекети қағыйдаларын белсене үгит-нәсиятшы «Жол ҳәрекети қағыйдаларының жас үгит-нәсиятшысы» клубы ҳәм «Жасыл шырақ» таңлаўлары шөлкемлестириледи.
2022 жыл 1 сентябрьден «Жол ҳәрекети тәртиби балалықтан басланады» ураны астында бақша тәрбияланыўшылары ҳәм оқыўшыларға жолларда, көше кесилиспелеринде сондай-ақ, пиядалар өтиў орынларында ҳәрекетлениў тийкарларын әмелий-көргезбели үйретиў жолға қойылады.
Қарарға муўапық, «Жол ҳәрекети қағыйдалары жас үгит-нәсиятшысы» клубын шөлкемлестириў ҳәм «Жасыл шырақ» таңлаўын өткериў қағыйдалары тастыйықланды.
Клубқа 9-11-класс оқыўшылары ағза болыўы мүмкин.
«Жасыл шырақ» таңлаўының жеңимпазлары диплом ҳәм естелик саўғалары менен сыйлықланады.
