Украина ҒХҚ ўәкиллери 2022-жылғы Пулитцер сыйлығын «Россия менен Украина ортасындағы ўақыяларды сәўлелендириўдеги мәртлиги, шыдамлылығы ҳәм ҳақыйқатты жазыўдағы садықлығы» номинациясы ушын алған.
Фото: Zumapress
Сыйлықтың «Жәмийеттеги хызметлери ушын» тийкарғы номинациясы Американың «The Washington Post» газетасына берилген. Сондай-ақ, «The Miami Herald», «The Tampa Bay Times», «The New York Times», «Getty Images», «The Los Angeles Times» ҳәм басқа да баспасөз журналистлерине түрли номинациялар бойынша сыйлықлар тапсырылды.
Мағлыўмат ушын, Пулитцер АҚШтағы ең белгили журналистика сыйлықларынан бири болып, ол 1917-жылдан берли ҳәр жылы Америка баспасөзинде жәрияланған материаллар ушын бериледи. 2022-жылғы лауреатлардың толық дизими арнаўлы веб-сайтта жәрияланған.
