Қазақстан Республикасының Алматы қаласында еркин, грек-рим ҳәм ҳаял-қызлар гүреси бойынша Болат Турлыханов естелигине арналған халықаралық рейтинг турнири болып өтпекте.
Турнирде Өзбекстан сайланды командасы қурамында қатнасқан қарақалпақ палўаны Жалғасбай Бердимуратов 87 килограмм салмақ категориясында шерек финалда иранлы Әли Абдулреза Шарифи менен болып өткен беллесиўде 9-0 есабында толық жеңиске еристи. Ярым финалда жерлесимиз грузиялы Айвенго Рикадзе менен гилемге шығып, жеңилиске ушырады.
Солай етип, халықаралық турнирдиң бронза медалы ушын гилем ийеси, қазақстанлы Нурсултан Турсынов пенен гүрес алып барған Жалғасбай белелсиўде 3-1 есабында жеңиске ерисип, Болат Турлыханов естелиги ушын өткерилген халықаралық рейтинг турнириниң бронза медалы ҳәм кубогы ийеси болды.
Ислам Матеков,
Karinform.uz.
