Анасы тәрепинен таслап кетилген баланы дизимге алыў бала жайласқан медициналық бирлеспе қәўендерлик ҳәм қайырқомлық органы арзасына муўапық, баланың анасы тәрепинен таслап кетилгенинен 7 күн өтпестен әмелге асырылады. Анасы тәрепинен таслап кетилген баланы дизимге алыў ушын арзада баланың таслап кетилген ўақты, орны ҳәм таслап кетилген ўақыттағы жағдайы, жасы, жынысы, аўырлығы ҳәм бойы ҳаққындағы мағлыўматлар анық көрсетилиўи керек.
Өзбекстан Республикасы Министрлер Кеңесиниң 2016-жыл 14-ноябрьдеги 387-санлы қарарына муўапық, анасы тәрепинен таслап кетилген баланың фамилиясы, аты, әкесиниң аты ҳаққындағы мағлыўматлар, сондай-ақ, ата-анасы ҳаққындағы мағлыўматлар туўылғанлығы ҳаққындағы гүўалықта жоқарыдағы көрсетилген органлардың көрсетпеси бойынша киргизиледи. Бундай жағдайда баланың ҳәм оның ата-анасы сыпатында көрсетилген шахслардың фамилиясы бирдей жазылады.
