Ҳүкиметтиң 654-санлы қарары менен тастыйықланған нызамға тийкарланып, төмендеги жағдайларда балалар напақасы ҳәм социаллық жәрдем берилиўи тоқтатылады:
1) Белгиленген мүддет тамамланғанда;
2) Балалар напақасын яки социаллық жәрдем пулын алып атырған адамлардың өзлери сол жәрдемди тоқтатыўын сорап мүрәжат еткенде;
3) Шаңарақ турақлы жасаў ушын Өзбекстан Республикасы аймағынан сыртқа көшип кеткенде;
4) Айырым техникалық қәтелер себепли жәрдем пуллары надурыс белгиленлиги анықланғанда;
5) Шаңарақтың экономикалық жағдайы қайта үйренилгенде шаңарақ кем тәмийинленген деп есапланбаса;
6) Усы түрдеги жәрдем пуллары белгилениўи ушын тапсырылған ҳүжжетлер надурыс ҳәм исенимсиз болса яки толық усынылмаған болса;
7) Қурамында әскерий системада ислейтуғын адам болған шаңарақ тәрепинен арза тапсырылғанда;
8) Министрлер Кеңесиниң 2019-жыл 9-январдағы 11-санлы қарары менен тастыйықланған Судьялар ҳәм олардың шаңарақ ағзалары пенсия тәмийнаты шәртлери, нормалары ҳәм тәртиби ҳаққындағы нызамға тийкарланып пенсиялар менен тәмийинленген шаңарақ ағзалары бар екенлиги анықланғанда;
9) Артықша төлемлер анықланғанда.
Жоқарыда санап өтилгенлердиң айырымларына бул жәрдем пулларын белгилеў басынан-ақ бийкар етиледи.
