️Енди жоқары курслардағы өзлестириўи жақсы ҳәм социаллық белсенди студентлер толық ямаса белгили бир бөлеги муғдарында билимлендириў грантын алыўы мүмкин. Сондай-ақ, айырым категориядағы студентлер ушын қосымша грантлар ажыратылады, олардың контракт төлеми мәмлекетлик ямаса ЖОО қаржылары есабынан қапланады. ️
Абитуриентлер ушын мәмлекетлик грант квотасынан тысқары 10% қосымша грантлар енгизиледи. Мәмлекетлик грант балының 80% инен жоқары нәтийже көрсеткенлер бул имканияттан пайдаланыўы мүмкин. Буннан тысқары, өзлестириў көрсеткиши 3,5 ҳәм оннан жоқары болған айырым студентлерге процентсиз тәлим кредити ажыратылады. Грантлар ашық-айдын таңлаў тийкарында бериледи, арзалар онлайн тапсырылады.
Грантларға талабанлар жоқары оқыў орынлары жанында шөлкемлестирилетуғын арнаўлы комиссиялар тәрепинен баҳаланып, нәтийжелер жаңа оқыў жылы басланыўынан алдын жәрияланады.
