Сигарета шегиўге бейимлиликти тоқтатыўдың жаңа усылы ойлап табылды

Нью-Йорктағы Рокфеллер университетиниң нейробиологлары никотинге болған талапты арттыратуғын бас мийдеги нейронлардың топламын анықлады. Бул ҳаққында Science Alert басылымында жәрияланды, деп хабар бермекте Lenta.ru.
Усы клеткалардың белсендилиги тоқтатылса, никотинге болған талап та тоқтайды.
Изертлеўде тышканлардан пайдаланылды. Оларға турақлы түрде суўда еритилген никотин берип барылды. Бас мийдиң медиал ҳәм аралық педункуляр ядро деген еки бөлими никотинге бағынышлылықты келтирип шығарады.
Бул еки нейронлардың қурамында белок рецепторлары бар. Олар никотин қан арқалы бас мийге келген ўақытта биригеди. Усылайынша никотин узақ ўақыт тәсир ете берсе, аралық педункуляр ядрода нейронлар топлана баслайды.
Ал алкалоид үлкейе берсе, онда медиал бөлим ядроға сигнал береди. Ядро никотиннен алатуғын ләззетлениўдиң орнын басып, оның қолланылыўын азайтады.

Ислам Матеков.