Нью-Йорктағы Рокфеллер орайында жайласқан ёлка Америкадағы ең белгили ёлкалардың бири болып табылады. Оның узынлығы 20 метрди қурайды. Сиз бул ёлканы «Үйинде жалғыз-2» фильми арқалы да жақсы билесиз.
Дүньядағы стильлик жақтан жақсы етип безетилген ёлка Париждеги Лафайет галереясындағы ёлка болып есапланады.
Бразилиядағы узынлығы 76 метрлик ёлка дүньядағы ең узын ёлка болып, ол барлық ёлкалар сыяқлы қурғақлықта емес, суўда жайласқан.
Ал быйылғы өтип баратырған 2017-жылдағы ең сулыў ёлка Литваның пайтахты Вильнюс қаласында 1-декабрь күни орнатылған ёлка болып, оны безеў ушын 70 мың лампочка ҳәм 900 ден аслам ойыншықлар жумсалған. Төменде сиз Вильнюстағы ёлкадан түсирилген видеоны тамашалаўыңыз мүмкин.
Ислам Матеков.
