Имам ийшан Муҳаммед жоме мешити қайта реконструкциядан шықты
Өзбекистан Республикасы Президенти Ш.М.Мирзиёевтың қоллап-қуўатлаўы менен 2017-жыл Өзбекистан мусылманлары мәкемеси Қарақалпақстан Республикасы ўәкиллиги Имам ийшан Муҳаммед жоме мешитинде қайта қурылыс ислери әмелге асырылды.
Амир Тимур атындағы дем алыў бағы қайта реконструкциядан шықты
Нөкис қаласындағы Амир Тимур атындағы дем алыў бағының реконструкциядан кейинги ашылыў мәресими болып өтти. Бул дем алыў бағында балалар ушын жаңадан аттракционлар иске қосылды.
«Нукус полимер» кәрханасы иске түсти
Кәрхана өзиниң биринши өнимин 2017-жылдың 24-июль күни шығарған еди. Жылына 8000 тонна полиэтилен ислеп шығарыў қуўатлылығына ийе. Бул заводта жылына 8 мың тонна полиэтилен труба ислеп шығарылады.
Ибрайым Юсупов мектеби ашылды
Усы жылы сентябрь айында инталы балалар ушын арналған Ибрайым Юсупов атындағы мектеп пайдаланыўға тапсырылды.
Мойнаққа ишимлик суў жеткизилди
2017-жылдың 1-июль күни «Қоңырат-Мойнақ суў обьектти қурылысы» жойбары қурып питкерилип, пайдаланыўға тапсырылды.
Сахибжамал Есемуратова
