Өзбекистан Финанс министрлиги ҳәм Мәмлекетлик салық комитети 2018-жыл 1-январьдан алкоголли өнимлер ушын жаңа ең кем көтере-сатыў ҳәм усақлап сатыў баҳаларын тастыйықлады. Бул ҳаққында gazeta.uz хабар бермекте.
Ислеп шығарыўшылар ушын виноның ең кем көтере сатыў баҳасын 1 литр ушын 5400 сўмнан 6500 сўмға, ең кем усақлап сатыў баҳасы болса 6500 сўмнан 7800 сўмға (20%) көтерилди.
Арақ ҳәм өткир алкоголли өнимлер ушын көтере сатыў баҳасы алдыңғы 12,9 мың сўм орнына ең кеминде 16 мың сўм, усақлап сатыў баҳасы болса 15500 сўмның орнына 19,2 мың сўм етип белгиленди.
Коньяктиң ең кем көтере сатыў баҳасы 17,2 мың сўмнан 22 мың сўмға, усақлап сатыў баҳасы болса 20,6 мың сўмнан 26,4 сўмға (28%) көтерилди.
Алкоголь өнимлерин усы баҳалардан төмен баҳаларда сатыў қадаған етиледи.
Сахибжамал Есемуратова
