Қазақстаннан сырт еллерге 500 миллиард теңгеге шамалас қаржы жиберилген. Өзбекистан 2-орында

2017-жылы Қазақстаннан сырт еллерге ярым триллионға шамалас теңге жиберилген. Ол 2016-жылдағы көрсеткишке салыстырғанда 30% ке көп, деп хабар бермекте Finprom.kz басылымы.
Орташа есап пенен алғанда бир чекте 200 мың теңге көрсетилген.
2017-жылы Қазақстан Республикасынан сырт еллерге 496,6 миллиард теңге жиберилген. Бул 2016-жыл менен салыстырғанда 29,9% ке көп. 2016-жылы 382,2 миллиард теңге жиберилип, 2015-жылға салыстырғанда 14,1% ке көп болған еди.
Транзакция саны 17%, 2,5 миллионға шекем өсти. Бир жыл алдын 2,1 миллион транзакция болған.
Қазақстаннан жиберилген қаржылардың 38,6% и Россияға, 18% и Өзбекистанға, 8,6% и Қырғызстанға жиберилген.

Ислам Матеков.