2018-жылдың 12-19-февраль күнлери Ташкент қаласында жоқары оқыў орынларының студентлери арасында өткерилген спорттың волейбол түри бойынша «Талаба» спорт шөлкеминиң Өзбекстан бириншилигинде Қарақалпақстан Республикасының сайланды командасы сыйлы 2-орынды алыўға миясар болды.
Сайланды командада Бердақ атындағы Қарақалпақ мәмлекетлик университетинен 8 студент, ал, Әжинияз атындағы Нөкис мәмлекетлик педагогикалық институтынан 5 студент қатнасты. Жоқары оқыў орынларының студентлери арасында бундай спорт жарысларының көплеп шөлкемлестирилиўи студент жаслардың ден-саўлығының беккем болыўында, олардың саламат инсан болып жетилисиўинде үлкен әҳмийетке ийе.
Сахибжамал Есемуратова
