Усы жылдың 26-27-февраль күнлери Жаслар орайында «I Жас журналистлердиң медиафорумы» өткерилип атыр.
«Жас журналистлердиң медиафорумы» Бердақ атындағы Қарақалпақ мәмлекетлик университетиниң журналистика кафедрасы, Өзбекистан жаслар аўқамы Қарақалпақстан Республикалық Кеңеси менен биргеликте шөлкемлестирилген.
Медиафорумда жас журналистлерге телевидение ҳәм радио, баспасөз ҳәм фотожурналистика, интернет журналистика тараўлары бойынша мастер класс өткериледи. Онда белгили журналистлер Б.Ельманов, А.Бердимуратова, Е.Қанаатов, С.Жаниев, А.Турекеева, У.Еримбетова, Б.Султамуратов, Р.Арзиев, Қ.Бегниязова, Л.Қаллыханова, Ф.Юсупов, И.Матеков, С.Есемуратова, Г.Нурбекова, А.Қурбаниязовалар өзлериниң тәжирийбелери менен бөлиседи.
Форумның екинши күнинде журналистика қәнигелиги студентлериниң бир жыллық дөретиўшилик мийнетлериниң жуўмағы бойынша «Жас журналист-2017» таңлаўының жуўмағы шығарылып, жеңимпаз студентлер диплом ҳәм саўғалар менен сыйлықланады.
Журналистиканың сырларын, мақала жазыўды үйрениўди қәлеўши жаслар Форумға қатнасыўы мүмкин.
Сайтымыздың телеграмдағы каналына ағза болың: 👉 https://t.me/karinformuz
Сахибжамал Есемуратова
