Назлымхан бир патшаның қызы болып, оның сулыўлығы жер жүзиндеги халықларға таралады. Қызды айттырып көп патшалардан елшилер келеди. Қыз ҳешкимди қәлемейди. Қызға Әбиўтәлип атлы уста жигит те ашық болады. Қыз жигитке өзиниң ашықлығын сүўретлейтуғын, дүньяда теңи жоқ имарат тиклеўди буйырады. Уста қыздың тилегин орынлап , усы мақбараны салады. Қыз жигитке берген ўәдесинде турмайды. Буған шыдай алмаған уста жигит мақбараның гүмбезинен өзин таслап өледи. Жигиттиң ҳақыйқат ашық екенлигин көрген қыз да мақбарадан бойын таслап өледи. Еки ашықтың қәбири усы мақбарада сақланады. Олардың бирине «Өмир әжайып, бирақ мәңғи емес» деп жазылған.
Таярлаған: Сахибжамал Есемуратова
