NUR.KZ порталы Алма-атаның қызлары тоқал болыў туўралы пикирлерин билиў ушын ҳәр түрли жастағы жигит-қызлар ортасында социологиялық сораў жүргизди. Буған парламентте екинши ҳаял алыўды нызамластырыў мәселеси қозғалғанлы берли, халық арасында бул мәселе көп пикир-тартысларға тийкар болып атырғанлығы себеп болған.
Бул социологиялық сораўға қатнасқан қызлардың көпшилиги өзин екинши ҳаял сыпатында көз алдына да келтире алмайтуғынлығын, ал олардың өмирлик жолдаслары екинши ҳаял аламан десе, ойланып көретуғынлығын айтқан. Бирақ, олардан айрымлары тоқал болыўға разы екенлиги, ал олардың ата-аналары руқсат бермей отырғанлығын айтып өткен.
Бул сораўлардың нәтийжесине көре, социологиялық сораўға қатнасқан жаслардың көпшилиги тоқал болыўға қарсы екенлигин айтып өтиў орынлы.
