Дүньядағы ең семиз бала операция жолы менен азды

Дүньядағы ең семиз бала Индонезиялы 11 жасар Арья Пермана асқазанын операция ислетип 31 килограммға азған. Бул ҳаққында The Daily Mail басылымына сүйенип sputnik.kg хабарлады. Арьяның салмағы өзи менен теңлес бес баланың салмағына тең келетуғын еди. Ол басқа балалар сыяқлы 3 килограмм 700 грамм салмақ пенен туўылған. Бирақ, бес жасынан баслап семире баслаған. Оның салмағы 9 жасында 127 килограмм, ал 11 жасында болса 190 килограммға жеткен. «Дүньядағы ең семиз бала» деп аталған Арья индонезиялы шыпакерлердиң дыққатын өзине тартқан. Шыпакерлер баланың өмирин сақлап қалыў ушын асқазанын операция жолы менен кесиў кереклигин айтқан. Болмаса, Арья инфаркт болыўы мүмкин еди.

Сахибжамал Есемуратова