«Материалды газетада жәрияламайсаң!» Енди журналистлерге бундай доқ урыўлар болмайды

Олий Мажлис Сенатының он төртинши улыўмалық мәжилисинде «Өзбекстан Республикасының айрым нызам ҳүжжетлерине өзгерис ҳәм қосымшалар киргизиў ҳаққында»ғы нызам мақулланды.
Нызам тийкарында Өзбекстан Республикасының 1997-жылы 24-апрельде қабыл етилген «Журналистлик жумысты қорғаў ҳаққында»ғы нызамға да өзгерис және қосымшалар киргизилмекте. Бул ҳаққында ӨзА мәлим етти.
Өзбекстан Республикасында ғалаба хабар қуралларының цензураға жол қойылмаслығы нызамда өз көринисин тапқан.
Ҳеш ким журналисттен жәрияланып атырған хабарлар ямаса материаллардың алдын ала келисип алыныўын, сондай-ақ, олардың текстиниң өзгертилиўин ямаса олардың баспадан пүткиллей алып тасланыўын (эфирге берилмеўин) талап етиў ҳуқықына ийе емеслигине байланыслы нормалар нызамнан орын алған.
Журналисттиң мәмлекетлик органлардың ашық мәжилислерине ҳәм ғалабалық илажларына қатнасыўы, журналистлик сырды әшкараламаўы, журналистлердиң кәсипке байланыслы этикалық қағыйдаларына әмел етиўине байланыслы нормалар да нызамға киргизилмекте.
Сондай-ақ, журналистлерди аккредитациялаў мәселеси де нызамнан орын алмақта.

Сайтымыздың телеграмдағы каналына ағза болың: https://t.me/karinformuz

Ислам Матеков.