Шыпакерлер адамның басын алмастырыў операциясын ислеп көрмекши

Усы жылдың ақырында медицина тараўында сенсация болады. Италиялы нейрохирург қытайлы шыпакерлер менен биргеликте дәслепки мәрте адамның басын алмастырмақшы деп хабар Sputnik Италия. Италиялы нейрохирург Серджио Канаверо усы жылдың ақырында дәслепки рет адамның басын алмастырыў операциясын өткериўди режелестирген.
Нейрохирургтың бул усынысын көпшилик мақулламаған. Бирақ, Қытай ҳүкимети бул операцияны қоллап-қуўатлап, оған қаржы ажыратпақшы. Сонлықтан, бул операция Қытайда өткерилиўи режелестирилген. Бул реже «Heaven» деп аталмақта.
«Басты алмастырыў ўақтында жулын үзиледи, полиэтиленгликольдиң жетилискен түрин пайдаланыў арқалы операциядан соң 24 сааттан кейин нерв импульслери қайта тикленеди. Бул дәслеп тышқанда ҳәм ийтте сынап көрилди, олар 3 ҳәптеден соң және жуўырып кетти, - дейди шыпакер.