Қырағы болың! Мессенджерлерде қәўипли вируслар пайда болды

Trustlook Labs корпорациясының қәнигелери уялы телефонлардағы барлық мессенджердеги мағлыўматларды урлайтуғын вирусты анықлады. Бул ҳаққында корпорация блогында хабар берилген. Вирус телефонлардағы антивирусты шетлеп өтип, системаға өзиниң анықлаў кодын көрсетпейди. Бул вирус телефонлардағы Telegram, Viber, Facebook, Messenger, Skype, Line ҳәм басқа да мессенджерлердеги мағлыўматларды урлайды. Қәнигелердиң билдириўинше, кибер жынаятшылар алынған мағлыўматлар арқалы телефон ийесине басым өткериў ушын пайдаланады.
Кибер қәўипсизлик бойынша қәнигелер зыянлы бағдарламаны биринши болып Қытайдың Cloud Module бағдарламасында анықлаған. Вирусты өзинде сақлаўшы пакет com.android.boxa деп аталады. Ол Android бағдарламасы ҳәм басқа бағдарламалардың интернет-магазинлери арқалы тарқалыўы мүмкин екенлиги айтылмақта.

Сайтымыздың телеграмдағы каналына ағза болың: https://t.me/karinformuz

Ислам Матеков.