Усы жылдың 28 июль сәнесинде Өзбекистан «Миллий тикланиш» демократиялық партиясы Қарақалпақстан Республикасы Кеңеси «Ҳаяллар қанаты» тәрепинен «Парламентимиздиң ҳақықый демократия мектебине айланыўы, реформалардың басламашысы ҳәм тийкарғы орынлаўшысы болыўы керек» темасы – искерлигимиздиң бағдарламасы» темасындағы дөңгелек-стол сәўбети шөлкемлестирилди.
Онда ӨзМТДПдан сайланған Қарақалпақстан Республикасы Жоқарғы Кеңеси ҳәм халық депутатлары қала, район Кеңеслери депутатлары, районлық партия шөлкемлери баслықлары ҳәм олардың ҳаял-қызлар, жаслар мәселелери бойынша орынбасарлары, «Ҳаяллар қанаты» белсендилери ҳәм ҒХҚ ўәкиллери қатнасты.
Илажда ӨзМТДП Қарақалпақстан Республикасы Кеңеси баслығының Ҳаял-қызлар мәселелери бойынша орынбасары А.Нурымбетова, Қарақалпақстан Республикасы Жоқарғы Кеңеси депутаты Р.Каландарова, халық депутатлары Нөкис қалалық Кеңеси депутаты А.Далымбетова, Әмиўдәрья районлық Кеңеси депутаты Г.Ибрагимова, қала ҳәм районлық партия шөлкеми баслықлары, жетекши қәнигелери ҳәм «Ҳаяллар қанаты» белсендилери усы партияның «Ҳаяллар қанаты» белсендилигин арттырыў бойынша өзлериниң пикир ҳәм усынысларын билдирди.
Илажды шөлкемлестириўден мақсет партияның «Ҳаяллар қанаты» белсендилигин арттырыў, келешекте әмелге асырылатуғын илажлардың режесин ислеп шығыўдан ибарат», - деди ӨзМТДП Қарақалпақстан Республикасы Кеңеси Атқарыў комитети аппараты ҳаял-қызлар социаллық- сиясий белсендилигин арттырыў мәселелери бойынша жетекши қәнигеси Айнура Утениязова.
Илаж пикир-таласлар тийкарында болып өтти. Қатнасыўшылар өзлерин қызықтырған барлық сораўларға жуўаплар алды.
Сахибжамал Есемуратова
